Комуникацијата меѓу преговарачките тимови на Русија и Украина е во застој, иако за тоа постојат воспоставени канали, изјави портпаролот на Кремљ, Дмитриј Песков, објави ТАСС.

– Каналите за комуникација се достапни, тие се воспоставени. Иако нашите преговарачи имаат можност да комуницираат преку тие канали, сепак, можеме да констатираме дека оваа комуникација е ставена во пауза – рече Песков, на прашање за контактите меѓу преговарачите од Москва и од Киев.

Од мај наваму, Русија и Украина одржаа три рунди директни разговори. Како резултат на првите две рунди, се договорија за размена на заробеници според формулата „илјада за илјада“, како и за враќање тешко болни и млади заробеници (под 25 години) според форматот „сите за сите“ – најмалку по 1.000 луѓе од секоја страна. Исто така, како продолжение на договорите во Истанбул, во јуни Москва му ги предаде на Киев првите 6.060 тела на загинати украински војници, а за возврат доби 78 тела на руски војници, а на 17 јули – уште 1.000 тела на украински војници, добивајќи за возврат 19 тела на загинати руски војници.

Американските сенатори бараат Русија и Белорусија да бидат прогласени како држави спонзори на тероризмот

По третата рунда разговори во Истанбул на 23 јули, страните се согласија да разменуваат и цивили заедно со воените лица. Русија ја покани Украина да формира три онлајн работни групи за политички, воени и за хуманитарни прашања. Дополнително, Москва понуди да му пренесе на Киев уште 3.000 тела на украински војници и да ги обнови кратките хуманитарни паузи на фронтот за да може да се соберат ранетите и мртвите.

Последната размена на тела на загинати војници меѓу Русија и Украина се случи на 19 август, кога Русија префрли 1.000 тела, а Украина 19.

Захарова: Воодушевувањето на Киев поради убиството на Кирк покажува дека Западот создал чудовиште