До крајот на 2025 година, тешко е да се очекуваат позитивни случувања на пазарот на трудот во Федерацијата Босна и Херцеговина. Бројот на вработени, динамиката на вработеноста и целокупните трендови не инспирираат оптимизам, објави економскиот аналитичар и федерален претставник Адмир Чавалиќ.

Првата причина, како што наведува тој, е тоа што во моментов се трошат над 51 милион евра од парите на даночните обврзници за заштита на 70.000 работни места во Федерацијата БиХ, пренесува Радио Сараево.

„Критериумите се такви што отпуштањето на еден работник автоматски значи дека компанијата го губи правото на субвенции. Замислете какви стимулации има компанијата да задржи „маргинален работник““, вели Чавалиќ.

Според негово мислење, годинава е пропуштена приликата за вработување во т.н. златни месеци за вработувања во изминатите години (април, мај, јуни и јули). Билансот за вработување во овие месеци е негативен од минус 5.000 работници. Следната година се планира и зголемување на минималната плата во земјата што ќе претставува дополнителен товар за компаниите.

Како трета причина, тој наведува дека занаетчиите сè уште се врзани за просечната плата и ги прави безбедни оваа година. 

„Ако 10% од оние кои се поддржани преку субвенции бидат отпуштени, тоа се дополнителни 7.000 отпуштања“, објави Адмир Чавалиќ.