Перверзно добри: Пралини со орев, рецепт кој се усовршувал со векови
Пралини од орев се традиционални кејџн слатки со потекло од Луизијана. Првите пралини биле донесени во Њу Орлеанс од Франција од Урсулинските монахињи во 1727 година. Поради фактот што бадемите биле оскудни, готвачите почнале да користат ореви од родните дрвја на Луизијана и така се родиле претходниците на модерните пралини од орев. Тие прво биле подготвувани како индивидуални ореви покриени со шеќерна обвивка. Денес, се прават со комбинација од орев, путер, ванила, млеко и шеќер.
Препорачано
Потребни состојки:
– 300 г шеќер
– 300 г кафеав шеќер
– 250 г неутрално кондензирано млеко(или заменете со павлака за готвење)
– 115 г путер или маргарин
– 250 г ореви, исечени на половинки и потпечени на тавче
– 1 лажичка екстракт од ванила
Начин на подготовка:
Намрсете два големи листови хартија за печење. Во големо тенџере доведете до вриење: шеќер, кафеав шеќер и млеко/павлака, често мешајќи. Намалете ја топлината на средна и варете, мешајќи често околу 11 минути. Додадете путер и ореви. Со постојано мешање, варете уште 2,3 минути. Тргнете од оган и промешајте ја ванилата во смесата. Со дрвена лажица енергично мешајте 1 до 2 минути или додека смесата не почне да се згуснува. Набрзина со помош на лажица нанесувајте парче по парче врз подготвената хартија за печење. Оставете да се изладат додека не се стегнат.
Рецепт за вкусен колач со лимон и бозел: Искористете ја сезоната на бозел
