И фудбалскиот клуб Академија Пандев е активен на трансфер пазарот, пред јавноста го промовираше своето прво засилување оваа зима.

Пепи Горгиев ќе ги брани боите на Академија Пандев, овој напаѓач има 27 години и доаѓа од редовите на албанскиот шампион, ФК Теута.

Претходно во својата професионална кариера има настапувано за екипите на Кожуф, Беласица, Силекс и Брегалница.

– Добредојде Пепи и ти посакуваме многу голови во дресот на Академија Пандев – информираат од клубот.

Моментно во Првата македонска лига „пандевци“ се наоѓаат на второто место со 35 бодови, седум помалку зад водечкиот Шкупи.