Актуелниот претседател и кандидат за нов мандат Стево Пендаровски го призна поразот на изборите и им честиташе на победниците.

– Сакам да им честитам на победниците и да им посакам успешна работа во следните четири години. Мојот концепт за жал не доби поддршка, но јас сум убеден дека само таква Македонија може да биде напредна, рече Пендаровски на вечерашната прес-конференција.

Тој на граѓаните им се заблагодари за учеството во изборниот процес и додаде дека имало мали нерегуларности кои немале особено влијание и кажа дека резултатите се јасни и нема намера поделатно да ги образложува.

Пендаровски, говорејќи за денешното гласање реча дека нему совеста му е чиста но не е сиигурен дека им е чиста на оние кои спречиле стотици илајди гласачи да земат второ ливче на денешните избори.

Одговарајќи на новинарско прашање дали неговиот пораз се должи на политиките на СДСМ, образложи дека уште пред да се кандидира знаел дека СДСМ не е во онаа кондиција од пред 5-10 години, но анализите покажувале дека неговиот личен рејтинг е повисок од рејтингот на коалицијата предводена од СДСМ.

Пендаровски исто така кажа дека не ги добил гласовите и од албанската опозиција, бидејќи коалицијата, калкулирајќи дека ќе се најде во некаква коалиција со ВМРО-ДПМНЕ, настапила слично како и гласачите на ДУИ.

Пендаровски потврди и дека од претседателската функција сега се враќа на старото работно место, на факултет.