Откако донесе одлука да се повлече од јавниот живот и глумата да ја замени со семејниот живот, Камерон Дијаз сè почесто може да се забележи во лежерени изданија, а неретко и без шминка.

Актерката е фотографирана за време на прошетка низ Лос Анџелес, а на себе има класични фармерки и црн топ.

Камерон Дијаз за неколку дена ќе го прослави 48-миот роденден, а познатата холивудска актерка се откажа од глумата во 2014 година, кога го сними и последниот филм.

Во последните интервјуа за медиумите таа призна дека глумата премногу не и недостасува.

„„Не ми недостасува глумата. Мислам дека е во ред сега да си го реорганизирам животот и да одберам да се вратам во светот на глумата ако така одлучам. Сфатив дека веќе не знам која сум, а тоа е ужасно чувство. Одлучив повторно да се запознаам и да си дојдам на себе“, порача Камерон пред неколку години.

Исто така, на почетокот на 2020 година Камерон ја изненади јавноста со објавата дека ја добила ќерката Редикс со нејзиниот сопруг, рокерот Бенџи Маден.

Со месеци се шпекулираше дека глумицата очекува принова, но сè помина во тајност бидејќи ни таа ни нејзиниот сопруг не сакале тоа ни да го потврдат ни да го демантираат сè до моментот кога на почетокот на јануари Камерон не објави дека стана мајка.

Камерон Дијаз проговори за 6-месечната ќерка: Таа пребрзо расте и тоа е неверојатно!