Палачинки со кељ и рикота: Рецепт за здрав и сочен оброк
Ви пренесуваме прекрасен рецепт во кој кељот открива сосема нови ноти со поддршка на сирењето рикота. Заедно го прават филот со кој можете да филувате палачинки или тортиљи, како што сакате.
Препорачано
Ако одлучите да користите тортиљи, задолжително загрејте ги пред да ги наполните, на тој начин ќе станат помеки и лесни за виткање. А ако сте правеле палачинки со некои од класичните слатки филови, од вишокот можете да направите вкусен ручек.
Сосот кој оди со филот од кељ и рикота е совршенство сам по себе. Докажаната комбинација на домати и лук е надополнета со пржени ф’стаци и арома на лимета, која ќе го освежи целиот оброк.
Со овој рецепт веруваме дека кељот ќе стане хит во секој дом каде што порано не се јадел често.
Состојки:
Сос:
• 450 г свежи домати, без кора
• 1 неизлупено чешне лук
• 1 лажичка сол
• 1/3 чаша сецкани солени печени ф’стаци
• 2 супени лажици свежо исцеден сок од лимета
• 1 помала серано пиперка, ситно сечкана
• 1 лажица тенко исечен млад кромид
Фил:
• 1 лажица маслиново масло
• 250 г кељ, тенко исечен
• 1 лажичка сол
• 1/2 лажичка свежо мелен црн пипер
• 8 пченкарни тортиљи или палачинки
• 450 г рикота сирење, исцедено
• 1/3 чаша масло
Подготовка:
1. Загрејте ја рерната на 200 степени.
2. Ставете ја решетката во горната третина од рерната. Ставете ги доматите и лукот во тава од леано железо и варете ги, често превртувајќи ги додека не се изедначат. Извадете ги од тавата и оставете ги на страна. Кога лукот доволно ќе се излади, извадете ја и фрлете ја кората. Рачно изматете ги во кашеста маса, а ако користите блендер, кратко измешајте за кашеста маса да има уште малку текстура. Префрлете ја смесата од домати во сад и измешајте ги ф’стаците, сокот од лимета, чили и младиот кромид.
3. Загрејте го маслиновото масло во чиста тава на средна топлина. Додадете кељ, малку сол и прстофат бибер. Гответе, често мешајќи, додека кељот не овене малку, околу 4 минути. Префрлете го во сад со средна големина и оставете го на страна да се излади малку.
4. Загрејте ги тортиљите кратко, околу 15 секунди по страна или подгответе палачинки.
5. Во филот додадете сирење и по потреба повеќе сол и бибер и измешајте.
6. На секоја палачинка или тортиља ставете околу 2 лажици фил и преклопете.
7. Загрејте го маслото во тава на средна топлина и кратко пропржете ги полнетите тортиљи/палачинки, 20 до 30 секунди по страна, само додека не станат крцкави. Впијте го вишокот масло со хартиени крпи и послужете со сос.
