Од јавното претпријатие Паркинзи на Општина Центар информираат дека во соработка со Сообраќајната полиција-Скопје во периодот од 23 до 29 јуни, со помош на специјалните возила „Пајак“ отстраниле 138 непрописно паркирани возила кои го попречувале нормалното и безбедно одвивање на сообраќајот во општината, велат од ПОЦ.

„За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ и СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во Општина Центар со цел да се подигне сообраќајната свест на повисоко ниво и да се зголеми безбедноста во сообраќајот“, соопштиja од ПОЦ.