Неверојатна ситуација се случи пред стартот на натпреварот помеѓу Германија и Франција на Евро 2020 кога еден падобранец падна на теренот со цел да го прекине дуелот, а всушност за влакно успеал да остане жив.
Имено, германската полиција за малку ќе пукала кон активистот на „Гринпис“ кој при слетувањето на Арената во Минхен ги оштетил ТВ каблите кои биле на кронот на стадионот.  При оштетувањето на ТВ каблите на трибините паднале парчиња од пластика и метал при што повредиле две лица кои завршиле во болница.
– Снајперистите го имаа на нишан. Доколку полицијата утврдела дека станувало збор за терористички напад, тој слетувањето на стадионот ќе го платеше со својот живот – изјави баварскиот министер за внатрешни работи, Јоаким Херман.  

Падобранецот на „Гринпис“ при слетувањето повреди две лица на стадионот во Минхен