Пандемијата на коронавирусот трае веќе две години, до ден-денес практично се знае сѐ за симптомите на заразата и начинот на нејзиното пренесување. Нови стравови предизвикуваат новите мутации, особено последната наречена омикрон, а според најновите информации собрани на недоволен примерок од заразени лица, се чини дека оваа варијанта предизвикува поблага клиничка слика.

Експертите велат и дека вакцините се ефикасни, а најдобра заштита  обезбедуваат доколку се вакцинирате и со бустер доза.

Кога станува збор за пренесување на инфекцијата, голем проблем претставуваат асимптоматските случаи, односно луѓето кои во себе го носат вирусот, а немаат знаци на болеста. Ако немаат причина за сомневање дека се заразиле со ковид, поточно ако немале ризичен контакт, тие „слободно“ се движат и потенцијално ги загрозуваат другите. Ако една таква личност ве заразила, а вие не ги препознавате симптомите или ги толкувате како настинка, и вие ќе продолжите да ја ширите заразата…

Само затоа што можеби вие немате симптоми, не значи дека не сте во ризик од постковид последици. Експертите откриваат суптилни симптоми кои укажуваат дека сепак имате коронавирус, иако најверојатно мислите дека станува збор за нешто минливо и безопасно:

– болка во едното или во двете уши и исцедок од нив,

– проблеми со слухот, затнатост на ушите,

– крвавење од носот (епистакса), кое може да биде и обилно.

Напоменуваат и дека таквите симптоми најчесто може да се забележат кај оние кои се обиделе да ја лекуваат инфекцијата дома. Исто така, симптом на кој треба да се посвети посебно внимание е затнатоста на ушите. Никако не се препорачува да се лекувате сами, бидејќи ризикот од компликации е исклучително висок и на крајот води кон итна интервенција.