Мадона има неколку правила што треба да ги следи нејзиното многу помладо момче кога поминува време со поп-дивата. Едно од нив вклучува телевизија.

Пејачката, која веќе е во седмата деценија и има 66 години, моментално е во врска со ѕвездата од Јамајка, Аким Морис, кој има 28 години. И покрај многу големата разлика, би се рекло дека парот е прилично хармоничен и не можат да ги држат рацете подалеку еден од друг.

Сепак, странските медиуми пренесуваат дека Мадона во голема мера ја контролира врската, па ѕвездата дури и напишала неколку строги правила за него.

– Мадона го подложи Аким на еден куп правила и строги услови за запознавање. И тој се согласил со нив бидејќи е „загреан“ и подготвен да ја плати цената – тврди „инсајдер“ близок до парот и продолжил: – Таа е многу строга. Тој живее со неа, но само затоа што го делат нејзиниот кревет, не значи дека може да спие во него. Кога таа сака, тој мора да спие или да стане кога таа работи, без разлика на сѐ. Таа, исто така, му забранува да гледа спорт и телевизија кога поминуваат време заедно.

Парот, наводно, се запознал за првпат на фотосесија за магазинот „Paper“ во 2022 година, на тема „дива ноќ надвор во Њујорк“. Аким бил дел од сетот, но тогаш немало навестување дека ќе започнат романтична врска.

Првиот знак на нивната романса беше за време на овогодинешната прослава на 4 јули, кога Мадона даде изјава за „неверојатната година“ во која уживала откако претрпе сериозни здравствени проблеми. Во срдечна објава на Инстаграм, Мадона – која беше хоспитализирана со септичен шок минатата година – сподели слики на кои таа и Аким изгледаат навистина среќни заедно.