Од Лондон до Лисабон, многу европски престолнини привлекуваат милиони туристи и пленат со својата архитектура.

Сепак, една се разликува од другите. Сместена во Пиринеите, се наоѓа Андора ла Веља, главниот град на Андора, држава помеѓу Франција и Шпанија.

Бидејќи се наоѓа на 1.023 метри надморска височина, тоа ја прави највисока европска престолнина, а воедно и една од најмалите. Се простира на само 13 квадратни километри, што значи дека би можел да се вклопи во Лондон приближно 121 пат.

Градот наликува на голем трговски центар

Во целата земја не постои ниту аеродром ниту железничка станица, но ова не ги спречува туристите да го посетуваат овој град, познат по купувањето без данок (duty free) и огромниот спа-комплекс, еден од најголемите на континентот.

Бидејќи нема аеродром ниту железница, ќе мора да бидете креативни со планирањето на патот – треба да слетате во Франција или Шпанија, а потоа оттаму да продолжите кон Андора.

Во Франција, најблиската железничка станица е „Andorre-l’Hospitalet“, оддалечена само 11 километри од границата со Андора. До неа лесно се доаѓа од поголемите француски градови, особено од Тулуз. Еднонасочното патување со воз од Тулуз трае 2 часа и 20 минути и чини 27,20 евра.

Од овие станици можете да земете такси до центарот на Андора ла Веља.

Популарна опција меѓу патниците е директниот автобус од станицата Барселона Сантс до Андора ла Веља. Автобусот „Flixbus“ нуди малку поповолни опции.

Што може да се види во Андора ла Веља?

Поради својата мала површина, Андора ла Веља може да се обиколи за еден ден.

Најпозната е по шопингот. Иако даночните реформи во 2010-тите донекаде го намалија нејзиниот статус „ рај за купување“, сепак и понатаму има една од најниските стапки на ДДВ во Европа, како и бројни стоковни куќи и продавници без данок, каде што можете да купите луксузни производи, како што се парфеми и алкохолни пијалаци, по пониски цени.

Главната улица, Авингуда Мериксел, која делумно е пешачка зона, па можете без проблем да купувате колку што ќе посакате. Еден посетител рекол дека изгледа како „аеродромска бесцаринска зона на стероиди“.

Дизајниран е во 1987 година, а ги користи природните топли извори од таа област. Во понудата се внатрешни сауни, амами и различни видови бањи, како и лагуна на отворено.

За љубителите на архитектурата, вреди да се посети Стариот град. Таму се наоѓа црква од 9 век, како и Каса де ла Ваљ, камена вила изградена во 1580 година за богато семејство, која подоцна служела и како седиште на локалниот парламент.

Вилата во моментот е затворена поради градежни работи, но дел од зградата, Генералниот совет, може бесплатно да се посети во вторник, среда и петок од 10 до 14 часот.

На крајот, Андора ла Веља е одлична ако планирате авантури во планините.

Поради високата надморска височина, зимите се ладни, со највисоки просечни температури од само 8 степени Целзиусови во јануари и февруари.

Летата се кратки, но потопли, со температури што достигнуваат 24 степени Целзиусови во јули и август.

Во пресрет на Божиќ, главно се јаде националното јадење на Андора – ескудеља. Туристичката организација на Андора го опишува како „каталонски паприкаш од сезонски зеленчук, месо и локални колбаси“. Најдобро е да го пробате во традиционалните борда, стари магацини претворени во ресторани.