Меган Фокс и Машин Ган Кели повторно раскинаа. Иако Меган е бремена со нивното прво заедничко дете, парот наводно раскинал околу Денот на благодарноста додека биле на патување. Извор изјави за „Пејџ сикс“ зошто дошло до раскинувањето.

„Кога отидоа на одмор, таа се посомнева и реши да го провери неговиот мобилен телефон“, вели изворот.

Актерката во мобилниот телефон пронашла пораки со други жени и решила да ја прекине врската. Таа секогаш имала проблеми со довербата поради неговото однесување во минатото, вели изворот.

Меган сакаше да изгради иднина со Кели и беше возбудена да го прошири семејството. Меѓутоа, откако ги прочитала неговите пораки со други жени, таа се предомислила.

Актерката на почетокот на ноември објави дека е бремена. Меган е веќе мајка на три деца со поранешниот сопруг Брајан Остин Грин, ги има синовите Ноа (10), Боди (9) и Џорни (6).

Меган и Машин Ган Кели започнаа да се забавуваат во 2020 година, по нејзиниот развод со Брајан Остин Грин. Тие наводно се зближиле за време на снимањето на „Midnight in the Switchgrass“. Тие се верија во јануари 2022 година.

Во февруари минатата година Меган ги избриша сите фотографии со раперот и со тоа започна да се шират гласини дека раскинале.

ВИДЕО | Излезе трејлерот за новиот еротски трилер со Меган Фокс

ГАЛЕРИЈА | Музички награди Билборд 2022: Триумфираше Оливиа Родриго со 7 награди, Канје Вест освои 6