Откриени детали од ретката средба лице в лице меѓу Русија и САД
Од почетокот на војната во Украина, ретко се одржаа состаноци лице в лице меѓу Русија и САД, но таков се одржа на почетокот на овој месец, кога се сретнаа директорот на американската ЦИА Вилијам Барнс и шефот на руското разузнавање Сергеј Наришкин, јави Ројтерс.
На состанокот на 14 септември, Барнс и Наришкин разговарале за „нуклеарни теми“, потврдиja денеска извори од Кремљ во изјава за новинската агенција РИА.
Русија претходно одби да ја коментира содржината на средбата, додека Америка рече дека Бернс го предупредил рускиот колега за опасноста од употреба на нуклеарно оружје. Елизабет Руд од американската амбасада во Москва за РИА Новости оваа недела изјави дека Барнс „не преговарал ништо“ и „не разговарал за преговори за ставање крај на војната во Украина“.
Наришкин денеска за РИА потврди дека на средбата со шефот на ЦИА најчесто споменуваните зборови биле „стратешка стабилност“, „нуклеарна стабилност“, „Украина“ и „киевски режим“. Тој, исто така, потврди дека Русија и САД имаат комуникациски канал за „менаџирање на ризиците“ и најави можност во иднина повторно да се сретнат со директорот на ЦИА.