Откажани сите летови низ САД поради дефект на системот на Федералната управа за авијација
Сите летови низ САД се прекинати поради дефект на компјутерскиот систем на Федералната управа за авијација, јавуваат американските медиуми.
Се смета дека има проблем со системот НОТАМ – алатка која се користи за предупредување на пилотите за потенцијални опасности при летот.
🚨🚨BREAKING: **all flights in the US are grounded** due to an FAA “computer outage.” https://t.co/l3TvMd09W9
— Dena Grayson, MD, PhD (@DrDenaGrayson) January 11, 2023
Во изјава за „Ен-Би-Си“, Федералната управа за авијација наведе дека „забрзано работи на отстранување на грешката во авијацискиот систем на САД”. Социјалните мрежи, пак, беа преплавени со коментари дека се работи за „огромен проблем”.
„Во моментов работиме на конечната валидација на отстранувањето на грешките и повторното воспоставување на системот. Сите системи во САД се погодени“, соопшти Федералната администрација, додавајќи дека редовно ќе ја информира јавноста за сите најнови информации.