Актерот Остин Батлер купи имот во Лос Анџелес од актерот Бред Пит, неколку месеци откако во куќата провалија крадци. Според „ТМЗ“, Остин ја купил куќата во населбата Лос Фелиз за 5,2 милиони долари.

Пит го стекнал имотот пред две години преку размена на имоти со Ајлин Гети  наследничка на компанијата „Гети Оил“. Бред ја добил вилата за 5,5 милиони долари, додека Ајлин го купила својот претходен дом за 33 милиони долари.
Вилата има нешто повеќе од 185 квадратни метри, три спални соби, две бањи, луксузна сауна и голем базен.

Имотот беше цел на крадци пред три месеци. Портпарол на полицијата во Лос Анџелес изјави дека тројца осомничени го „ограбиле“ имотот на 25 јуни откако се искачиле преку ограда и пробиле преден прозорец. Тие избегале со непозната количина на лични работи. Бред во тоа време бил на промотивна турнеја за филмот „Ф1“ и не бил дома.

Пит неодамна купи нов имот за 12 милиони долари. Тоа е вила во шпански стил од 8.000 квадратни метри. Неговиот нов дом има шест спални соби и осум бањи, плус сè друго. Куќата претходно беше во сопственост на гитаристот Дејв Кјунинг и неговата сопруга Емили.

Крадци упаднале во домот на Бред Пит: Се искачиле преку оградата и го скршиле прозорецот

Уапсени двајца осомничени за кражба во домот на Бред Пит: Мета биле и други холивудски ѕвезди!