Претседателот на Собранието, Африм Гаши вели дека до него сè уште не е пристигната оставката на министерот за здравство Арбен Таравари. Нема пристигнато ниту предлог кој ќе биде координатор на пратеничката група на Вреди или кандидат за гувернер на Народната банка.

„Оставка сè уште нема, а нема ни предлог за гувернер. Немаме никаква нова информација за пратенички групи“, рече Гаши на денешната средба со новинарите. На последната координација немаше никој од Вреди. На координација ги викаме координаторите додека тие официјално се координатори. Кога ќе имаме нова состојба ќе го поканиме оној којшто ќе биде координатор“, рече Гаши.

Таравари синоќа во изјава за МИА рече дека ќе поднесе оставка од функцијата, а за останатите функционери од оваа партија очекува да бидат разрешени.