Летонската тенисерка Јелена Остапенко денеска ја освои титулата на турнирот во Штутгарт, Германија, откако во финалето по два сета – 6:4, 6:1 ја совлада светската тенисерка број еден, Белорусинката Арина Сабаленка.

Остапенко, 24. рангирана во светот, победи по час и 26 минути и ја освои деветтата ВТА титула во кариерата.

Таа направи брејк во првиот гем од првиот сет, а Сабаленка успеа да го врати брејкот во осмиот гем за израмнување на 4:4.

Остапенко веднаш го врати брејкот во следниот гем, а по гејмот на нејзин сервис го освои првиот сет.

Таа доминираше во вториот сет, испушти само еден гем на светскиот рекет број еден и победи по првата меч-точка.

Тоа е нејзина прва титула на земјена подлога по освојувањето на Ролан Гарос во 2017 година.

Остапенко првпат во четири дуели ја совлада Сабаленка, која четврти пат беше поразена во финалето на Штутгарт.