Со помош на три едноставни трикови, спасете ја вашата омилена бела маица и носете ја со години.

Жолтите дамки на белите маици, особено под пазувите, се чест проблем. Тие најчесто настануваат поради комбинација на пот и дезодоранс. И покрај фактот дека многумина го знаат ова, не се подготвени да се откажат од дезодорансите, па затоа овие дамки се многу честа и здодевна појава.

Ако досега сте имале вакви проблеми и поради тоа сте фрлиле којзнае колку бели маици, отсега па натаму не мора повеќе да го правите тоа.

Добрата вест е дека овие здодевни жолти дамки можат лесно да се отстранат и без избелувач кое ја уништува нашата облека.

Постојат три докажани методи кои функционираат.

Сода бикарбона, хидроген и течен детергент

Состојки:

– 1 лажица сода бикарбона
– 1 лажица хидроген – пероксид (3 отсто)
– 1 лажица течен детергент за садови

Постапка:

Измешајте сè во паста. Нанесете директно на дамката и истријте со четка за заби. Оставете да делува 30-60 минути. Исперете како и обично, по можност во топла вода.

Сок од лимон и сол

Исцедете го лимонот директно на дамката. Посипете малку кујнска сол и втријте ја со прстите или со четкичка. Оставете на сонце од 30 минути до еден час. Исперете како и обично.

Оцет и сода бикарбона

Потопете ја дамката во бел оцет. Посипете сода бикарбона врз неа. Оставете да се запени и да отстои 30 минути. Исперете како и обично.

Што не треба да правите

Не користете хлорен избелувач на памучни бели маици со жолти дамки, тоа може да ги стврдне, а не да ги отстрани.

Немојте да ја пеглате пред дамката целосно да се отстрани – топлината ја фиксира.