Циметот е еден од најомилените зачини, особено во студените месеци. Неговиот карактеристичен мирис и вкус го прават незаменлив во многу јадења и пијалaци, но циметот има и уште една исклучителна функција – може да се користи како природно средство за чистење.

Освен што е познат по своите ароматични својства, циметот има и антибактериско дејство и со векови се користи за различни намени. Кога се комбинира со вода, овој зачин може да убие до 20 различни видови бактерии, што го прави ефикасен за чистење и дезинфекција на просторот.

Користењето на цимет како средство за чистење не ги оштетува површините и не остава траги или лепливи наслаги. Исто така, водата со цимет е сосема безбедна за децата, па родителите не мора да се грижат доколку дојде во допир со подот по чистењето.

За да подготвите воден раствор со цимет, едноставно додадете малку цимет во прав во кофа полна со вода. Алтернативно, можете да сварите неколку стапчиња цимет во вода и потоа да ја користите оваа течност за да го исчистите подот.

За посилен ефект се препорачува додавање на етерично масло од цимет. Во овој случај, околу 20 капки масло треба да се додадат во кофа со вода. Потоа исчистете го подот како и обично и оставете го да се исуши.

Најдобриот дел од целиот процес е прекрасниот мирис на цимет кој се задржува во вашиот дом по секое чистење.