Кошаркарите на Олимпијакос триумфираа над Партизан во 28. коло од Евролигата со 82:70 (27:18, 19:14, 18:19, 18:19). На тој начин грчката екипа ја прекина серијата на српскиот претставник од четири триумфи на гостински терен.

Од почетокот на натпреварот домашните играа со повеќе енергија и желба, што им овозможи да поведат значително по воведните 10 минути – 27:18. Ниту во вториот период не се промени многу. „Црвено-белите“ од Пиреја го зголемуваа водството и на пауза заминаа со големи „+14“ – 46:32.

Партизан се обидуваше да се врати, но Олимпијакос секогаш имаше одговор на секој обид од гостинскиот тим. Третата и последната четвртина играчите на Партизан ги добија со идентични резултати – 18:19, но тоа беше доволно само да се ублажи поразот.

Домашната екипа ја предводеше Саша Везенков со 17 поени, а зад него беа двајцата поранешни играчи на Партизан Никола Милутинов и Најџел Вилијамс-Госа со по 10. На другата страна најмногу се истакна Карлик Џонс со 17, додека Брендон Дејвис постигна 14.

Олимпијакос сега има скор од 21-7 и е прв во генералниот пласман. Партизан е на 15-13 и ја зазема осмата позиција. Тимот од Пиреја во следното коло му гостува на Панатинаикос, додека „црно-белите“ ќе играат на гости кај Барселона.

Евролига, 28 коло
Петок, резултати:

Анадолу Ефес – Виртус Болоња 89:68
Лион Вилербан – Макаби Тел Авив 95:102
Олимпијакос – Партизан 82:70
Алба Берлин – Барселона 85:99