Официјално: Тимо Вернер е нов играч на Челси
24-годишниот играч на Лајпциг ги договори личните услови со „сините“, а ќе остане во германскиот клуб до крајот на сезоната во Бундеслигата.
Еден од најдобрите млади напаѓачи во Европа, Тимо Вернер (24) одлучи кариерата да ја продолжи во Челси.
Препорачано
24-годишниот играч на Лајпциг ги договори личните услови со „сините“, а ќе остане во германскиот клуб до крајот на сезоната во Бундеслигата. Тој ќе им се придружи на своите нови соиграчи во јули после лекарските прегледи.
We have some @TimoWerner news for you! ?
— Chelsea FC (at ?) (@ChelseaFC) June 18, 2020
– Задоволен што потпишав за Челси, за мене е многу горд момент да му се приклучам на овој одличен клуб. Сакам да му се заблагодарам на Лајпциг, клубот и навивачите. Засекогаш ќе бидат во моето срце. Со нетрпение ја очекувам следната сезона со моите нови соиграчи, мојот нов менаџер и секако навивачите на Челси. Заедно, имаме многу успешна иднина пред нас – рече Вернер.
Ја има најдобрата сезона досега во кариерата, постигнувајќи 32 голови и 13 асистенции во 43 мечеви во сите натпреварувања.
Синоќа запиша погодок и против Фортуна Дизелдорф, па му остануваат уште два натпревари (Борусија Дортмунд и Аугсбург) да ги подобри бројките сезонава. Германскиот репрезентативец вкупно четири години ги брани боите на Лајпциг, а претходно играше уште за Штутгарт.
