фото: EPA-EFE/Kiko Huesca

Официјално: Карим Бензема ќе го напушти Реал Мадрид

Францускиот напаѓач Карим Бензема повеќе нема да ги брани боите на Реал Мадрид, потврди денеска шпанскиот клуб. Бензема пристигна во клубот во 2009 година и го носеше „кралскиот“ дрес 14 сезони во кои го освои секој трофеј кој му беше на располагање.

Во тој период со тимот од шпанската престолнина освои 25 титули, што е рекорден број за Реал.
Петпати ја освојуваше Лигата на шампионите, четири во „Ла Лига“, три во Кралскиот куп, четири во шпанскиот Суперкуп и исто толку европски, како и пет светски клупски првенства.

На вечната листа на Реал тој е на петтото место со 647 настапи на кои постигна 353 гола, помалку од само Кристијано Роналдо.

Како што се наведува во соопштението, неговата кариера во Реал е вистински пример за професионализам, а тој самиот ги претставуваше сите вредности зад кои стои клубот. Затоа, на „Сантијаго Бернабеу“ сметаат дека Бензема има право да одлучи каде ќе ја продолжи кариерата.

Претходните денови тој беше поврзуван со Ал Итихад од Саудиска Арабија, кој наводно му понудил 400 милиони евра за две сезони. Најпрво таа приказна беше отфрлена, но во моментов е најреална опција за актуелниот освојувач на „Златната топка“. Реал Мадрид во вторник најави проштална церемонија за Карим Бензема.

Официјално: Асенсио заминува од Реал Мадрид

Официјално: Азар повеќе не е играч на Реал Мадрид

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот