Анти-ковид вакцината на „Фајзер“ и на „БајонТек“ е одобрена во Франција, меѓутоа Високото тело за здравство во земјата не ја препорачува за одредени категории на население, јави дописникот на МИА.

Европската агенција за лекови (ЕМА), во понеделникот, го одобри пласманот на вакцината против ковид-19 на „Фајзер“ за која денеска е добиена согласност и во Франција. Но, иако без официјална забрана да ја забрани, сепак, Високиот орган за здравство советува таа да не се аплицира кај одредени групи на луѓе.

Кампањата за вакцинација, како прво, се однесува само на лица на возраст од 16 години и повеќе години, а се сугерира бремените жени да не се вакцинираат, бидејќи тие не беа вклучени во тестирањето на вакцината.

Исто така, се препорачува да не се вакцинираат мајките кои дојат, како и луѓето со алергии.

Според француските здравствени власти, во оваа фаза нема потреба да се вакцинираат излекуваните пациенти од ковид-19. Сепак, во согласност со прелиминарните препораки од 30 ноември и наведени во мислењето објавено на 18 декември, овие лица ќе можат да се вакцинираат ако сакаат по консултации со лекар.