Францускиот претседател Емануел Макрон е позитивен на ковид-19 по пројавените симптоми и направениот тест, соопштија од неговиот кабинет, пренесува politico.eu.

– Тој ќе продолжи да работи и да ги извршува своите активности од далечина, се вели во дописот и се додава дека Макрон ќе се самоизолира во наредните седум дена.

Макрон, во средата, претседаваше со неделниот состанок на владата и беше домаќин на португалскиот премиер, Антонио Коста на работен ручек пред португалското претседателство со Советот на Европската Унија.