Од следната година сè се менува за принцот Џорџ: Строгото правило ќе го одвои и од неговата сестра
До моментот кога ќе наполни 12 години, принцот Џорџ може да патува со своето семејство, но тоа наскоро ќе се промени. Откако ќе го прослави роденденот следното лето, повеќе не може да биде на истите летови како и остатокот од неговото семејство.
Препорачано
Кога станува збор за семејните патувања, принцот и принцезата од Велс, го прекршија долгогодишното кралско правило дозволувајќи им на своите постари деца, принцот Џорџ и принцезата Шарлот, да им се придружат на нивните прекуокеански турнеи.
Правилото дека двајцата директни наследници на британскиот трон не треба да патуваат заедно, принцот Вилијам и принцот Џорџ веќе неколкупати го прекршиле. Заедно отпатуваа во Австралија во 2014 година, во Канада во 2016 година, а потоа во Германија и Полска во 2017 година.
Како што е познато, Вилијам побарал дозвола од покојната кралица Елизабета Втора, Џорџ да им се придружи на турнеја низ Австралија и Нов Зеланд, а таа му дозволила, но од следната година животот на 11-годишниот Џорџ ќе се сврти за 180 степени.
Од следната година принцот Џорџ повеќе нема да патува со своите родители, како и со помладата сестра, принцезата Шарлот (9) или со помладиот брат, принцот Луис (6).
Како што е веќе познато, неговиот татко, принцот Вилијам, кога наполнил 12 години, почнал да патува одвоено од остатокот од семејството, a сè поради стравот кралското семејство поради несреќен случај да не изгуби двајца директни наследници на тронот.
Тоа го потврди и поранешниот пилот на кралското семејство Греам Лори, кој рекол: „Летовите на кои работев најчесто беа оние кога Велшаните одеа на одмор на Медитеранот, но интересно е што летаа сите четворица – принцот, принцезата, принцот Вилијам и принцот Хари сè додека Вилијам не наполни 12 години. Потоа, тој мораше да има посебен авион и можеа да летаат заедно само кога ќе имаа писмена дозвола од нејзиното величество. Денес, на пример, кралот Чарлс Трети не може да лета со принцот од Велс“.
НЕОДОЛИВИ ФОТОГРАФИИ по повод шестиот роденден на принцот Џорџ
Крунисувањето на Чарлс Трети го следеле околу 14 милиони гледачи на Би-Би-Си
