Валентино Сампајо, првиот трансродов модел на Викторија Сикрет, е роден во Форталеза, главниот град на бразилската држава Сеара, на 10 декември 1996 година, во многу скромно семејство. Татко му бил локален рибар, а мајка му професорка. Нивната поддршка била клучна во свеста и одлуката на Валентино да го промени полот, бидејќи од дете сакал да води женски живот. Оваа поддршка од родителите му овозможила да има спокојно детство, без чувство на дискриминација, во сон дека наскоро ќе го добие новиот идентитет на спротивниот пол.

Родители на денес супермоделката никогаш не ги спречувале овие нејзини изјаснувања. Уште на осумгодишна возраст Валентино се изјаснил дека е девојче, па бил испратен на психолог, кој формално констатирал дека, сепак, е само дете. Но тој и понатаму продолжил да се нарекува себеси Валентина и да се однесува и облекува како девојчињата од негова возраст со кој се дружел и си играл со кукли. Третманот со хормони овозможил да го дефинира женскиот изглед, а веќе на 15-годишна возраст телото на Валентина навистина станало тело на прекрасна девојка.

Водејќи сосема нормален живот на девојче, и дружејќи се со девојчиња, сосема нормална дошла љубовта кон модата и модниот свет.

На почетокот студирала архитектура во Фортелеза, а потоа се откажала и се вработила во градинка каде што ја забележал еден стилист и ѝ предложил да ја ангажира во модна агенција во Сао Паоло. Така, на 16 години Валентина зачекорила на модната писта, а од првиот настап привлекла внимание. Оттогаш стартува и успешната модна приказна.

За време на нејзината кариера, таа имала значителен успех во Бразил, а потоа почнале да ја бараат и меѓународните списанија и модни марки кои ја довеле во првите редови на светскиот моден успех.

Во 2014 година, сепак, се случи една непријатна епизода, кога една марка за долна облека открила дека станува збор за машко, и ѝ го прекинала договорот. Случката завршила со голем одек во медиумите, а реакциите биле поделени, едни биле на страната на компанијата, а други на страната на трансродовиот модел. Случајот завршил со објаснение дека компанијата е доста конзервативна и дека едноставно не сака ангажмани со трансродови модели. Сепак, токму овој скандал и донесе уште поголема популарност во јавноста.

Во 2016 година, Велентина Сампајо за првпат се појавила на модната писта на Модната недела во Сао Паоло. Забележана била од „Лореал Париз“, оваа славна козметичка компанија снимила краткометражен филм за неа што бил објавен по повод Меѓународниот ден на жената. Така, Валентина Сампајо станала амбасадор за убавина заедно со други познати бразилски модели, како што се Грези Масафрера, Изалбели Фонтана, Емануела де Паула и Агата Мореира.

Во 2017 година, Валентина Сампајо стана лице познато низ целиот свет. Таа стана првиот трансроден модел што се појави на насловните страници на високотиражните модни списанија, меѓу кои и на насловната на Вог Париз, а потоа следуваа насловните на бразилскиот Вог и германскиот Вог. Следуваа насловните на „Венити Фер“, „Ел“, „Л Офишл“ и други. Нејзината популарност продолжи да расте, а следуваа и ангажманите за познатите брендови како H&M, Марк Џејкобс, Мошино…

Бразилската манекенка, денес и актерка, помогна да се урнат табуата во меѓународниот свет на модата. Всушност, пред неа, ниту едно списание немало објавено трансродов модел на насловната страница. Уредникот на парискиот „Вог“, Емануел Алт, рече: „Горди сме што ја печатиме првата корица со трансродов модел! Ние сакаме да ги кршиме правилата и да ги вклучиме светлата против предрасудите“.

Затоа, Валентина Сампајо придонесе за започнување на нова ера во која списанијата не мора да го оправдуваат изборот на трансродов модел. Истиот претприемнички и непристрасен став го покажа и „Викторија сикрет“ која го избра првиот трансродов ангел. Манекенката тоа официјално го објави на својот Инстаграм профил во август 2019 година, со што ја означи епохалната пресвртница на познатата американска марка за долна облека. Ангажманот на Сампајо во „Викторија сикрет“, модна марка која ја слави женската сензуалност, беше пресвртница затоа што самото раководство на брендот, до пред неколку години, велеше дека ангажирање на трансродови модели би значело да се спротистават на филозофијата која ја негуваат.

Сега овие изјави се веќе прилично застарени.