Основното јавно обвинителство Кочани поведе постапка против 24-годишник за кого постои основано сомнение дека ги сторил кривичните дела – Насилство врз дете и Напад на службено лице при вршење работи на безбедноста.

„На 15 октомври, во утринските часови, во дворот на средно училиште во Кочани, осомничениот извршил физичко насилство над дете родено 2008 година, удирајќи го со тупаници по лицето, носот и устата и нанесувајќи му телесни повреди. Петнаесетина минути подоцна, кога полициски службеници дошле да го приведат, осомничениот им се заканувал и ги навредувал. Во полициската станица во Кочани во еден момент и физички нападнал полицаец, удирајќи го со нога неколкупати во пределот на градниот кош и нозете со што му нанел телесни повреди“, информираат од Обвинителство.

Јавниот обвинител до судијата на претходна постапка од Основниот суд во Кочани достави предлог за определување мерка притвор за осомничениот.

Млад кочанчанец дивеел и нападнал полицаец, во станица откриле дека се бара за да лежи затвор