„Њујорк тајмс“: Директорката на ЦИА го убеди Трамп до го убие Сулејмани
Според „Њујорк тајмс“ Хаспел на Трамп му рекла дека заканата која ја претставува иранскиот генерал е поголема од заканата од реакција на Иран ако тој биде убиен, неколку дена пред убиството на Сулејмани.
Директорката на ЦИА, Џина Хаспел според „Њујорк тајмс“ била жената која го убедила американскиот претседател Доналд Трамп да го убие иранскиот генерал Касем Сулејмани.
Според „Њујорк тајмс“ Хаспел на Трамп му рекла дека заканата која ја претставува иранскиот генерал е поголема од заканата од реакција на Иран ако тој биде убиен, неколку дена пред убиството на Сулејмани.
Хаспел успеала и целосно да ја предвиди реакцијата на Иран, односно таа го предвидела ракетниот напад врз базите со американски трупи како најверојатна реакција на Иран, а токму тоа и се случи во вторникот.
Иако Хаспел формално не зазела став ни „за“ ни „против“ Сулејмани да биде убиен, лицата кои ја сослушале нејзината анализа биле убедени дека ЦИА верува дека неговата ликвидација само ќе ја зајакне, а нема да ја ослабне позицијата на САД и безбедноста на Блискиот Исток, пишува „Њујорк тајмс“.