Нови неволји за Трамп: Апелациониот суд го одби неговото барање па на суд ќе треба да се појави на 2-ри Октомври
Апелациониот суд во Њујорк денеска одби да го одложи судењето на Доналд Трамп за граѓанска измама, закажано за 2 октомври, откако поранешниот американски претседател го обвини судијата дека направил грешка што одбил да отфрли голем дел од случајот.
Одлуката за одбивање на барањето на Трамп ја донела петчлената комисија на Апелацискиот суд на Менхетен.
Комисијата ја донесе одлуката два дена откако судијата на државниот суд Артур Енгорон утврди дека Трамп и неговата семејна фирма правеле сериозна измама со пари и документи за да добијат подобри услови за заеми и осигурување.
Тужбата против Трамп беше поднесена во септември 2022 година од страна на државниот обвинител Летиша Џејмс, која го обвини него, неговите синови, Организацијата Трамп и други за „неверојатна измама“ во врска со проценките на имотот.
Џејмс бара казна од најмалку 250 милиони долари, забрана на Трамп и неговите синови Доналд Џуниор и Ерик да работат во Њујорк и петгодишна забрана за Трамп и Организацијата Трамп да се занимаваат со комерцијални недвижности.