„ЕСПН“, поточно новинарот Адриан Војнаровски, информираше дека постои можност НБА сезоната 2020/21 да започне веќе во декември годинава.

Адам Силвер, комесарот на НБА лигата, после завршувањето на минатата сезона истакна дека не знае кога ќе стартува новата, но се надева дека тоа ќе се случи во јануари.

Но, поради пандемијата на коронавирус можни се нови промени, првите луѓе на лигата се надеваат на враќање и на публиката, но од тоа и натаму нема никакви најави.

Раководството на најсилната кошаркарска лига во светот ќе се состане оваа недела за да разговара за почетокот на сезоната.

Се разгледува варијанта на скратено првенство кое би започнало на 25 декември. Лигата ја зема сезоната 2011/12 како примерен модел, кој, поради локаутот, започна на католички Божиќ и заврши на крајот на јуни.