Новак Ѓоковиќ е најомразениот тенисер на социјалните мрежи
Новак Ѓоковиќ го очекува настапот на „Ролан Гарос“ во Париз, а организаторите на овој турнир пред почетокот одлучија да побараат помош и од вештачка интелегенција за да се провери статусот кој го уживаат учесниците на турнирот на социјалните мрежи.
Софтвер базиран на вештачка интелигенција е употребен за да ги провери и да ги собере сите податоци од социјалните мрежи за секој тенисер.
На Твитер најголем број негативни твитови биле насочени кон Новак Ѓоковиќ од скоро (15%). На Фејсбук тој процент бил 11%.
Зад Ѓоковиќ следи Стефанос Циципас со 15% негативни коментари на Твитер и 7% негативни реакции на Фејсбук. Зад нив на листата следуваат Карлос Алкараз, Каспер Руд и Камерон Нори.
Од тенисерките Арина Сбаленка добила најголем број негативни твитови. Таа исто така добила процент од 15%, додека на Фејсбук процентот бил 5%. Следи Елена Рибакина со 10% негативни коментари на Твитер и 4% негативни реакции на Фејсбук.