Новак Ѓоковиќ ја почна 425 недела на врвот на АТП листата
Со лошите резултати во претходниот период, Новак Ѓоковиќ сериозно си го загрози првото место на АТП листата. Овој понеделник сè уште е лидер со 9,900 бодови, почнувајќи ја својата 425 недела на тронот.
Препорачано
Сепак, на српскиот тенисер му претстои тежок период кога е во прашање борбата за првото место. Испаѓањето во третото коло на Мастерсот во Рим значи дека следниот понеделник ќе остане без 130 бода. Тогаш неговата тениска круна нема да биде загрозена, со оглед на тоа што Јаник Синер и Карлос Алкараз не можат да ја надополнат разликата, но на „Ролан Гарос“ може да има голема промена.
Ѓоковиќ ја брани титулата и 2,000 поени во Париз на Грен слем турнирот кој започнува на 20 мај, а елиминација пред финалето може да значи и промена на врвот. Влегувањето во финалето би гарантирало останување на првото место во случај Синер, по пропуштањето на Рим, да не се појави во Париз поради повреда.
А, доколку Италијанецот игра на „Ролан Гарос“, Ѓоковиќ ќе мора да ја освои титулата и се надева дека Синер нема да се пласира во финалето. Друга опција е Италијанецот да испадне пред четвртфиналето, тогаш би било доволно Ѓоковиќ да се бори за титулата.
Својата шанса во наредниот период ќе се обиде да ја зграби и Алкараз, но пред себе има покомплицирана ситуација во однос на Синер.
АТП листа:
1.Новак Ѓоковиќ 9,900 бодови
2.Јаник Синер (Италија) 8,600
3.Карлос Алкараз (Шпанија) 7,345
4.Данил Медведев (Русија) 7,195
5.Александар Зверев (Германија) 5,435
6.Андреј Рубљов (Русија) 4,740
7.Каспер Руд (Норвешка) 4,535
8.Стефанос Циципас (Грција) 3,860
9.Хуберт Хуркач (Полска) 3,730
10.Григор Димитров (Бугарија) 3,605
—
