Најдобрата македонска женска фудбалска репрезентација го претрпе и вториот пораз во Лигата „Ц“ од Лигата на нации.

Денеска во Скопје на ФФМ Тренинг центарот „Петар Милошевски“, фудбалерките предводени од селекторот Кирил Изов загубија од Косово со 0:2.

Противникот своите два гола ги реализираше во текот на првото полувреме, за водство се погрижи Лимани во 20 минута, а позитивата во 41 минута ја зголеми Халилај.

И покрај неколкуте добри можности за погодок, особено во второто полувреме, нашите фудбалерки не успеаја да ја затресат мрежата на ривалот.

Во групата „5“ Косово и Бугарија имаат по четири бодови, последна е Македонија (0).

Во следниот меч македонската селекција повторно ќе игра против Косово овојпат на 31 октомври.