Реал Мадрид утре (18 часот) го игра последниот натпревар во Ла Лига против Виљареал и мора да победи, а во исто време Атлетико Мадрид да загуби кај Ваљадолид, за да ја освои титулата.
Тренерот на Реал Мадрид, Зинедин Зидан, не размислува за евентуалната титула, туку само за исходот од натпреварот против Виљареал.

– Ова беше тешка сезона, но дојдовме до последната недела со шанса да ја освоиме титулата. Знаеме дека играме со Виљареал, екипа која игра добро оваа сезона и мислите се насочени само на тоа како да победиме – изјави Зидан.
Неизбежна тема за новинарите е судбината на Зидан на клупата на Реал Мадрид. Изненадувачки, Французинот даде одговор со кој го навести крајот на соработката со Реал Мадрид. Имено, на прашањето дали верува дека Реал би бил подобар тим со некој друг тренер, Зидан одговори без размислување.
– Секако. Ги сакам своите играчи, тие секогаш ме спасуваат на теренот. Секогаш ќе го почитувам тоа. Убаво е што фудбалерите имаат позитивно мислење за мене – одговори Зидан.

Шпанските медиуми тврдат дека Зидан на крајот од сезоната ќе го напушти Реал Мадрид и најголеми шанси на негово место да дојде има Масимилијано Алегри, но во игра е и клупската легенда, Раул.