Оскари
Златната статуа Оскар / Фото: EPA-EFE/ETIENNE LAURENT

Номинираните за Оскар ќе добијат торба со подароци во вредност од 170.000 долари

Иако некои нема да земат Оскар дома, номинираните ќе добијат торба со околу 60 подароци во вредност од 170.000 долари. Веќе 22-ра година, Леш Фари создава уникатни, луксузни и внимателни подароци за главните номинирани за Оскар. Највредниот подарок е патување до швајцарските Алпи од 50.000 долари за 10 лица, кои престојуваат во „Шале Цермат Пик“, кој има шест ката и пет апартмани, пренесува „Ројтерс“.

Покрај тоа, во чантата има 12 скапи козметички производи, вклучувајќи ги и оние од луксузната линија „Miage Skincare“. Има и Helight – терапија за спиење со црвено светло инспирирана од НАСА. Светлината е поставена на масичката покрај креветот пред спиење, помагајќи му на човекот побрзо да заспие и да спие подлабоко.

Номинираниот ќе добие и многу уникатен предмет од Dooplikits. Ова се 3D печатени обоени селфи фигури кои можете да ги направите сами.

Друг подарок се скапите перници Кејт Браун направени од винтиџ ткаенина и дизајнерска облека.

– Го нарекуваме „Сите победуваат“ и тоа го правиме независно од Академијата, што значи дека јас одлучувам кој ќе ја добие. А тоа се само номинираните за најдобра глума и режија. Тоа се 25 луѓе оваа година – вели Фари.

Оскарите оваа година ќе се одржат ноќта меѓу недела, 10 март кон понеделник, 11 март.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот