Инцидентот кој се случи во понеделеникот пред натпреварот помеѓу АЕК и Динамо кој требаше да се игра вчера, се уште е во фокусот на вниманието на јавноста. Во жестоката пресметка на хулиганите загина 29-годишниот навивач на АЕК, Михалис.

Натпреварот по трагедијата беше одложен, Грците бараа дури и исфрлање на Динамо од Европа, но тоа барем засега не изгледа дека ќе се случи. Грчката полиција во овој момент ја води истрагата за да утврди кој го убил навивачот на АЕК.

Во текот на вчерашниот ден се појави информација дека грчки државјанин и фан на Панатинаикос го убил Михалис, но тие информации до овој момент не се потврдени.

Денес хрватски „Индекс“ пренесува дека најмалку три навивачи на Динамо се здобиле со убодни рани или исекотени. На повредените навивачи им била пружена помош и не се во животна опасност. Според информациите на грчките медиуми на интезивна нега и понатаму се четири лица, три Грци и еден Хрват за кој се пишуваше дека е опериран повеќе пати.

ФОТО: Поранешен босански репрезентативец ги поддржа хулиганите на грчкиот АЕК

Динамо се врати во Загреб: Ристовски и соиграчите одбија да дадат изјави

Детали од истрагата: Хрватските навивачи се како војници, имаат неверојатна теорија

Градоначалниците на Атина и на Загреб со заедничка порака по инцидентот: Насилството нема националност!