Со отворањето на кафе баровите се добива онаа социолошка слобода, но во одредени граници кои мора да ги испочитуваме. Факт е дека Ковид-19 ќе постои и во иднина и моравме да смислиме начин како би можело да функционираме, изјави во „Утрински брифинг“ на „Слободна ТВ“ Александар Николоски, сопственик на кафе бар.

Со новите прописи, угостителите треба да им овозможат на граѓаните безбедно уживање во локалите.

-За жал ќе започнеме со намален број на гости, со зголемена безбедност за нив. Сепак, со оптимизам можам да кажам дека ќе ја добиеме довербата и ќе бидеме општествено одговорни, овозможувајќи им на луѓето безбедно да уживаат во нашите локали, вели Николоски.