Говорот на телото откри сѐ: Последното појавување на Никол Кидман и Кит Урбан го наговести крајот на 19-годишниот брак
Експерти за говор на телото открија неколку големи „црвени знамиња“ што навестиле дека Никол Кидман и Кит Урбан се на пат кон разделба. Разводот на оскаровката и музичарот беше потврден во понеделник од „Дејли Мејл“, со што заврши нивниот речиси дваесетгодишен брак.
Препорачано
-
1
-
2
-
3
Никол (58) и Кит (57) последен пат беа видени заедно во јуни на натпреварот од ФИФА Светското клупско првенство меѓу Лос Анџелес ФК и Есперанс Спортив де Тунис. Иако познати по своите јавни изливи на нежност, овој пат изгледаа ладно и дистанцирано, следејќи го натпреварот од трибините.
Експертот за говор на телото Луиз Махлер за „Дејли Мејл“ изјави дека токму тогаш било јасно дека има тензии меѓу нив:
„Во еден момент, Никол си ја допира левата рака – тоа е знак на напнатост, но не можеме точно да знаеме на што се однесува,“ рече таа.
Дополнително, таа посочи дека Кит воопшто не ја гледал својата сопруга за време на натпреварот:
„Тој постојано гледа настрана, додека Никол гледа кон него. “
Сигнали на растојание и недостаток на емоција
Експертот за однесување Скот Тејлор истакна дека ова појавување е значително различно од претходните. Тој додаде дека недостигало искрена емоција и контакт со очите:
„И нивните бради беа наведнати пониско од вообичаено – тоа е знак на неудобност, нешто што претходно не сме го гледале кај нив.“
Скот забележал и дека Кит често ги лижел усните:
„Тоа е реакција на стрес – кога телото лачи кортизол, се намалува лачењето плунка и устата се суши.“
Од цврста поврзаност до растојание
По натпреварот, Никол и Кит биле забележани како држат растојание еден од друг при пристигнувањето на стадионот „Геодис Парк“ во Нешвил.
Овој однос е спротивен на нивните вообичаени појавувања – на пример, во мај тие позирале прегрнати на 60. доделување на Академијата за кантри музика во Тексас. Тоа беше и нивното последно заедничко појавување пред јавноста пред разделбата.
Бракот на Никол и Кит траел 19 години, а заедно ги одгледале своите две деца. Сепак, нивните напорни распореди – таа на снимања, тој на турнеи – направија да поминуваат сè помалку време заедно.
Извор близок до парот за „Дејли Мејл“ изјавил:
„Кит ретко ја гледа Никол, или таа е на снимање или тој е на турнеја. Имаше многу љубов меѓу нив и можно е да не дојде до формален развод, но постои свет во кој веќе не можат да функционираат како порано.“
