Тагата е чувство од кое луѓето често се обидуваат да побегнат, да го игнорираат и избегнуваат, па најчесто останува потиснато во многу срца. Сепак, постојат денови и ситуации кога тагата владее, а обидот да ја игнорираме оваа емоција или да не покажеме некому како се чувствуваме може да се одрази на нашето ментално здравје.

Изгледа  често заборавивме дека тагата е нормална човечка емоција, исто како и среќата. Таа е нормален одговор на различни аспекти од нашиот животот, околина и одредени настани.

Значи, нормално е да се биде тажен, не треба да се плашиме како другите ќе гледаат на нас ако ги покажеме нашите емоции, ниту да се трудиме да бидеме насмеани и добри ако не се чувствуваме така.

Психолозите исто така истакнуваат дека тагата е важна емоција и наведуваат и дека е особено важно да не се направи грешка во процената дали сте тажни или депресивни. Не правете таква грешка!

Тагата, како и сите наши емоции, е здрава и треба да ни помогне подобро да одговориме на случувањата кои не опкружуваат.

Како што рекол Карл Јунг, луѓето мора да ја ценат и почитуваат тагата за да уживаат во среќата. Прифаќањето на тагата е навистина важен дел од нејзиното надминување и враќање на нормалната рамка на умот.

Важно е никогаш да не размислувате за тагата како знак на слабост. Луѓето кои имаат развиено емпатија и покажуваат тага, се ослободуваат од ова чувство на природен начин, но можат и да им помогнат на другите кои се плашат да покажат емоции, да им кажат – „во ред е да си тажен“.

Друг мит е дека ако некој ѝ се предаде на тагата, тој ќе остане тажен засекогаш. Емоциите се минливи состојби, бидејќи тие се одговор на моменталната ситуација. Тоа што моментално се чувствувате тажно не значи дека сте слаби, ниту дека секогаш ќе бидете тажни, туку дека реагирате во согласност со вашата емотивна состојба, во согласност со настаните што ве опкружуваат.

Дозволете си да бидете тажни, поврзете се со ова чувство, покажете го отворено и тагата ќе си го најде својот пат.

Напомена: Доколку често се чувствувате тажно и несреќно, а тоа влијае на квалитетот на вашиот живот, важно е да побарате помош од стручно лице – психолог, психотерапевт или психијатар.