фото: F.C. Struga

Ни во Елбасан, ни во Струмица: Струга ќе го пречека Бреидаблик во Охрид

Доста информации имаше околу тоа каде Струга Трим Лум ќе го игра првиот натпревар како домаќин против Бреидаблик во плеј-офот на Конференциската лига.

Најпрвин спортскиот директор на Струга, Бесар Исаку за МИА изјави дека доколку актуелниот македонски шампион се пласира во плеј-офот (што и се оствари), како домаќин првиот меч ќе го игра во Елбасан, Албанија, и дека тоа е потврдено.

По завршувањето на реваншот во Луксембург против Есперанж, на официјалниот клупски сајт на Струга во веста на изјавата на тренерот Шпетим Дуро стоеше информацијата дека првите 90 минути од двомечот со исландскиот првак ќе се играат во Струмица.

Ни во Елбасан, ни во Струмица, до Фудбалската Федерација на Македонија пред малку стигна потврда од УЕФА, дека стадионот „Билјанини Извори“ во Охрид ќе биде домаќин на плеј-оф натпреварот Струга Трим Лум – Бреидаблик.

фото: принтскрин/uefa.com

Поради оваа одлука, натпреварувачката комисија на ФФМ е принудена да го презакаже дуелот од второто коло на 2МФЛ меѓу Охрид Лихнидос и Караорман за 30 август. Одлуката е донесена со цел да се создадат сите неопходни услови на стадионот за организацијата на натпревар од УЕФА натпреварување, а тука првенствено се мисли на заштита на тревникот на „Билјанини Извори“.

Од федерацијата се надеваат дека доцната принудна промена на вистински начин ќе ја разберат двете екипи од Втора Лига, кој својот натпревар требаше да го одиграат утре и ќе бидат поддршка за македонскиот првак Струга Трим Лум во намерата да обезбеди историски пласман во УЕФА групно натпреварување.

Шпетим Дуро: Чудата на Струга Трим Лум сезонава продолжуваат

И на официјалниот сајт на УЕФА стои дека првиот дуел меѓу Струга и Бреидаблик ќе се игра во Охрид на стадионот „Билјанини Извори“ со почеток од 17.00 часот. Главен судија на овој дуел ќе биде Дамиан Силвестшак од Полска.

Стружани летово веќе играа два европски мечеви во Охрид, против Жалгирис (1:2) во квалификациите за ЛШ и против Будуќност Подгорица (1:0) во квалификациите за Конференциската лига.

Тренерот на Бреидаблик веќе ја најави тактиката за Струга Трим Лум: Ќе бидеме цврсти, брутални, максимално фокусирани

Шпетим Дуро: Чудата на Струга Трим Лум сезонава продолжуваат

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 100 ДЕНАРИ

Видео на денот