„Ни треба почит“: Актерката ја поддржа Кели Роланд по заедничкото лошо искуство на црвениот тепих во Кан
Актерката Масиел Таверас се огласи за своето искуство на Канскиот филмски фестивал, откако видеото на кое таа се кара со жена од обезбедување на црвениот тепих, стана вирално, пишува „Индепендент“.
Препорачано
Имено, доминиканската актерка и ТВ водителка присуствуваше на премиерата на францускиот филм „Грофот Монте Кристо“, заснован на романот на Александар Дума, а во режија на Матие Делапорте, кога се случи инцидентот во кој учествуваше таа и членот од обезбедувањето.
Dominican actress Massiel Taveras was moved out of the carpet as she posed for photos at the Cannes Film Festival.
The same security guard was involved in an incident with Kelly Rowland. https://t.co/O3Q1788tjy
— Pop Crave (@PopCrave) May 25, 2024
Само неколку дена претходно, пејачката Кели Роланд, беше видена како е во жестока кагва со истата жена, откако се појави како да стои на фустанот на ѕвездата на премиерата на „Марчело Мио“.
Грубите реакции и физички контакт на жената од обезбедувањето ги шокираше овие две дами, но и нивните обожаватели. Набрзо по инцидентот Кели Роланд го искажа своето мислење.
„Жената знае што се случи, јас знам што се случи. Јас имам граница и стојам до тие граници и тоа е тоа. Имаше и други жени кои присуствуваа на тој тепих, кои не личеа баш на мене. И тие не беа искарани, ниту туркани или им беше кажано да се симнат. И јас застанав, а таа се чувствуваше како да мора да го задржи своето. Но, јас останав на своето место“, изјавила Кели за „АП Ентртејмент“.
Пишувајќи на Инстаграм и Таверас се огласи и рече дека црвениот тепих за премиерата на „Грофот Монте Кристо“ бил „најмоќниот момент“ што таа некогаш го доживеала и ја нарече ноќта „незаборавна“.
Актерката ѝ се заблагодари на познатата пејачка, и рече дека насилството е неприфатливо.
„Сакам да ви се заблагодарам на сите за оваа неверојатна поддршка, денес повеќе од кога било потребно ни е да се држиме заедно, да се поддржуваме еден со друг, да ги заштитиме нашите души, да имаме силни граници и да се залагаме за нашите права, да покажеме малку љубов и почит кон извонредната Кели Роланд, чиста душа. Ни треба почит“, напишала таа.
