Леонардо Дикаприо е  едно од најпознатите имиња во светот и во Холивуд, а важи и за еден од најдобрите актери на својата генерација. Некои од неговите најзначајни улоги се Џек во „Титаник“ и Џордан Белфорт во „Волкот од Волстрит“, а доби и Оскар за улогата во „Повратник“.

Кариерата ја започна во серијата „Растечки болки“, а неговата улога во филмот „Што јаде Гилберт Грејп“ од 1993 година го привлече вниманието на критиката и публиката.

Истата година глуми во филмот „Животот на ова момче“ заедно со Роберт де Ниро. Тој го опиша тоа искуство како едно од најважните во неговата кариера.

„Имав 15 години и се сеќавам на секој детал. Сè беше ново за мене. Гледањето на Роберт де Ниро на снимањето, гледањето на неговата посветеност беше едно од најважните искуства во мојот живот“, изјави Дикаприо.

Зборувајќи за тоа која ја смета за најдобра актерка, тој откри дека најмногу е импресиониран од Мерил Стрип, со која работеше на филмот „Собата на Марвин“ од 1996 година.

„Имав 18 години кога работев со Мерил. Гледајќи ја зад камерата размислував како ќе биде нејзината изведба на екранот, а подоцна кога го гледав филмот во театар помислив дека таа е без сомнение најдобрата актерка во светот“, објасни Дикаприо.

Соработката со Мерил Стрип продолжи во филмот „Не гледај нагоре“ каде што се пробаа во нетипични улоги. Дикаприо низ годините доби многу номинации за Оскар, но дури со улогата во филмот „Повратник“ од 2015 година ја доби престижната награда и потврди зошто важи за еден од најголемите актери на сите времиња.