Францускиот претседател Емануел Макрон во интервјуто за „Вараети“ се пошегува дека ќе се бори главниот лик од хит серијата на Нетфликс, „Емили во Париз“ да се врати во француската престолнина по нејзиниот престој во Рим, пренесува „Ројтерс“.

„Ќе се бориме жестоко. И ќе бараме од нив да останат во Париз! ‘Емили во Париз’ нема смисла да е во Рим“, изјавил Макрон.

Инаку, во четвртата сезона од серијата, американската иселеничка Емили, која ја игра актерката Лили Колинс, се преселува од Париз во Рим поради работа.

Успехот на серијата, кој го доживеа за време на карантинот во 2020 година, беше толку голем што и сопругата на Макрон, Брижит, се појави во една епизода во последната сезона.

„Бев многу горд, а таа беше многу среќна што го направи тоа. Тоа е само неколку минути, но мислам дека тоа беше многу добар момент за неа“, рекол Макрон.

„Мислам дека е добро за имиџот на Франција. ‘Емили во Париз’ е супер позитивна во однос на привлечноста кон земјата“, додал тој.

Вистинско изненадување за фановите: Брижит Макрон ќе се појави во четвртата сезона на „Емили во Париз“