Нема нови случаи на заразени во штипските градинки, информираат директорите на овие установи„Астибо” и на „Вера Циривири-Трена”. Категорично ги отфрлаат лажните вести и шпекулации дека во нивните градинки има и други заразени меѓу вработените.

Директорката на градинката „Астибо”, Билјана Трајчевска вели дека ниту една од вработените, ниту пак од децата имаат симптоми, се следи состојбата во сите објекти на градинката.

– Протоколите и заштитните мерки на Министерството за труд и социјална политика, доколку доследно се почитуваат не дозволуваат да се рашири коронавирусот меѓу вработените и децата од останатите групи. Ја следиме состојбата со изолираните деца и двете вработени, кои по 14 дена изолација ќе можат да се вратат во градинката, вели Трајчевска.

Во објектот на градинката „Вера Циривири-Трена” во населбата Ново Село извршена е дезинфекција, откако вчера е потврден вирусот кај негувателка, па од денеска во изолација се и нејзината колешка воспитувачка и 12 деца.