Пред самото отворање на Филмскиот фестивал во Кан, организаторите одлучија да ги заострат правилата поврзани со облекувањето на црвениот тепих, пишува „Дејли мејл“. Фестивалот започнува в петок, а новите правила значат дека дамите ќе мора повнимателно да ги избираат своите свечени комбинации.

Во изминатите години, некои учеснички и гостинки привлекоа големо внимание со изборот на таканаречените „голи“ фустани. За да се обезбеди поголема „пристојност“, организаторите одлучија да ги забранат ваквите комбинации на облека оваа година.

„Голотијата е забранета на црвениот тепих, како и во другите области каде што се одржува фестивалот“, се вели во официјалната одлука, која ја пренесуваат странските медиуми.

Исто така, истакнато е дека пристапот до фестивалот ќе биде оневозможен на секој што не ги почитува наведените правила.

Сè уште не е познато дали телевизиските куќи, кои го емитуваат настаните, имале влијание врз оваа одлука.

За потсетување, 78-то издание на фестивалот ќе се одржи од 13 до 24 мај.

ГАЛЕРИЈА | Модата на 75. Кански филмски фестивал: Гламур на највисоко ниво

ФОТО | Бела Хадид го маѓепса Кан: Манекенката се појави во проѕирен фустан и покажа зошто е „фам фатал“