Ракометниот клуб Вардар 1961 во вторник на домашен терен ќе го игра првиот натпревар од новата сезона во ЕХФ Лигата на Европа.

Прв ривал на македонскиот претставник е Валур од Исланд, овој меч ќе се игра во СЦ „Јане Сандански“ – Скопје со почеток од 20.45 часот.

Според тренерот на скопските „црвено-црни“, Владо Недановски, противникот преферира брз и модерен ракомет.

– Драго ми е што по две години Вардар се враќа на европската сцена и конечно во СЦ „Јане Сандански“ ќе се гледа европски меч. Валур не е познат за нашата јавност, но сака да игра брз и модерен ракомет. Лани оваа исландска екипа успеа да го освои Европскиот куп. Играме во нашата сала, пред нашите навивачи, и ја имаме фаворитската улога. Тренираме, правиме анализи, подготвени сме за предизвикот – вели Недановски.

Покрај овој дуел, во првото коло од групата Ф се среќаваат Порто – Мелсунсен со почеток од 20.45 часот.

Продажбата за билетите за натпреварот Вардар – Валур се одвива онлајн. Повеќе ТУКА

ЕХФ: Ривали на Вардар во Топ 10 фаворити за титулата во Европската лига