Не се штеди: Познатиот комичар потрошил 20.000 долари за часовник за да му се извини на поранешен пријател
Комичарот и актер Пит Дејвидсон одлучил во знак на извинување на својот поранешен пријател Колин Џост да му подари часовник вреден 19 илјади евра.
Препорачано
Имено, Дејвидсон и Џост претходно беа блиски колеги од шоуто „Сабота вечер во живо“ и работеа на популарната сатирична информативна програма „Викенд апдејт“.
Нивното пријателство оттогаш се распаднало, па Дејвидсон решил да се извини со купување на часовник. Иако не е јасно што довело до нивното отуѓување, извори блиски до Џост тврдат дека нивната расправија била толку сериозна што ставил крај на нивното 10-годишно пријателство.
Според магазинот „Сан“, нивното отуѓување влијаело на плановите за реновирање на напуштениот траект што сакале да го претворат во место за забава и што го купиле заедно. Џост минатата година рече дека купувањето на траектот не е добра идеја.
„Тоа е апсолутно најглупавото и најмалку обмисленото купување во мојот живот“, рекол Џост.
За потсетување, Дејвидсон неодамна претрпе лична трансформација откако реши да ги отстрани тетоважите. Тој рече дека верува дека имал вкупно околу 200 тетоважи, но планира да го продолжи процесот на нивно отстранување и да задржи само неколку.
