Огромно влијание имаше веста дека Жизел Бундхен е бремена по трет пат, која синоќа ја објави „Пипл“. А по таа објава излезе нејзиниот поранешен партнер, ѕвездата на американскиот фудбал Том Брејди и ги заинтригира сите со порака на Инстаграм.

Брејди објави слика од зајдисонце, заедно со три емотикони срце и напиша: „О огледало на небото, што е љубов? Може ли детето од моето срце да се издигне? Може ли да плови без да ги менувам плимата и осеката на океанот?“

Жизел Бундхен му кажала на својот поранешен сопруг дека е бремена пред тоа да биде објавено преку медиумите, пишува „ТМЗ“. За тоа разговарала и со нивните деца Вивиен (11) и Бенџамин (14).

Познатата манекенка го очекува своето прво заедничко дете со инструкторот за џиуџицу Хоаким Валенте, кој го познава со години. Гласините за нивната романса првпат започнаа во ноември 2022 година, а потоа во јуни 2023 година беше потврдено.

Жизел е многу возбудена што ќе стане мајка по трет пат. Изворот вели дека супермоделот (44) се чувствува добро, не сака да го знае полот на бебето пред породувањето, а бремена е неколку месеци и има намера да се породи дома.

ВИДЕО | „Тоа беше време на хероински шик…“: Жизел Бундшен се присети на моментот кога ѝ се сменил животот