Британските научници веруваат дека ја решиле мистеријата за женскиот оргазам и го откриле клучот за негово полесно постигнување – треба да престанете да размислувате премногу и да се фокусирате на сопственото тело, пишува „Сан“.

Психолозите од Универзитетот во Есекс сметаат дека пресудната улога на т.н „интероцепција“, скриеното шесто сетило кое овозможува перцепција на телесни сензации како што се чукање на срцето, дишење и допир. Истражувањата покажуваат дека жените кои имаат поразвиено интерцепција почесто доживуваат оргазам, се сексуално позадоволни и повеќе уживаат во интимноста.

Истражувањата покажуваат дека жените имаат двојно помала веројатност да доживеат оргазам во споредба со мажите – познато како „јаз во оргазмите“.

„Нашата студија покажува дека жените треба да престанат со мислењето и да се фокусираат на сопственото тело за да доживеат почести и задоволувачки оргазми. Оргазмите се поинтензивни кога жената се фокусира на телесните сензации. Подоброто разбирање на овој процес може да го зголеми задоволството во врските, како за жените, така и за нивните партнери“, рече д-р Меган Клабунде.

Студијата, која опфатила 316 жени на возраст меѓу 18 и 69 години, покажала дека оргазмот е 20 отсто поверојатен за време на соло активност отколку кога се со партнери. Интерцепцијата беше проценета преку способноста да се фокусира на телесни сензации и да се блокираат одвлекувањата, што се покажа како клучно за сексуалното задоволство.

“Оргазмот во партнерството е често покомплексен бидејќи жените, покрај сопствените чувства, треба да внимаваат и на потребите на партнерот. Соло активностите овозможуваат поголема концентрација на сопствените телесни сензации, што ги прави поедноставни и позадоволувачки”, објаснува д-р Клабунде, пишува „Сан“.